Гардасил хийлгэж болох уу, хэн хариулах вэ

Мөн тус вакциныг дэлхийн 100 гаруй орон хэрэглэхийг, 50 гаруй улс сурталчилгаа хийхийг хориглосон мэдээлэл дэлхийн олон цахим хэвлэлээр гарсан байсан гэнэ. Гэтэл Эрүүл мэндийн дэд сайд Ж.Цолмон, ЭМЯ болон ХӨСҮТ-өөс “гардасил нь хөхөнцөр вирусийг устгадаг вакцин юм. Хэрэв ямар нэгэн эрсдэл учирвал хариуцлагыг бид хүлээх болно” гээд мэдэгдээд авсан.

Гэвч одоо ч тус вакциныг хийлгэж болох эсэх нь эргэлзээтэй байгаа юм. Энэ сарын 10-наас эхлэн вакцины гурав дахь тун хийж эхэлсэн. Өмнө хоёр тунг нь хийлгэсэн охид дараагийн тунгаа хийлгэхээс өөр аргагүй болсон бөгөөд зарим сургуулиуд тус вакциныг хийлгэхгүй бол “хичээлд нь суулгахгүй” байгаа талаар эх сурвалж хэлж байна. Гардасилыг 2007 оноос дэлхийн 80 гаруй орон хийхийг зөвшөөрсөн. Гэвч 20096 охинд гаж нөлөө илэрсэн бөгөөд 71 охин нас барсан гэх мэдээлэл ч байдаг гэнэ. Гэхдээ тус вакцинаас болж нас барсан гэсэн нотолгоо байдаггүй. Гэсэн ч дэлхийн ихэнх орон энэ мэт асуудлаас болоод тус вакциныг охидод хийлгэхийг хориглосон байна. Учир нь тэдгээр орнууд цэцэг цэврүү шиг охиддоо туршилт хийхийг хүсээгүй аж.

Гэтэл манай оронд тус вакциныг олон охидод тарж, АНУ-ын “Мерк” гэх компанийн туршилт болчих шиг боллоо. Үнэхээр аюултай хор уршигтай байсан юм бол заавал хоёр дахь тунгаа хийлгэсний дараа “Гал үндэстэн” холбооноос ийм мэдээлэл хийдэг нь юу вэ гэж бодогдох, Эрүүл мэндийн дэд сайд нь охиноо хүртэл тариулсан байхад хор хөнөөлгүй л баймаар юм аа хэмээн найдах хоёрын хороонд л иргэд амаа үдүүлчихлээ.
Тариулсан болж хохирох тариулаагүй болж гаслах хоёрын эргэлзээн дунд иргэд л хохирч байна даа. Эрүүл мэндийн яамнаас нэгдсэн хариулт өгчихмөөр л юм.