Hugo - Уран сайханы кино 2011

Америкийн хүүхдийн номны зохиолч, зураач Brian Selznick-ийн The Invention of Hugo Cabret хэмээх түүхэн-зохиомол сэдэвт зохиолоос сэдэвлэн бүтээгдсэн "Hugo" нэртэй адал явдалт, драм жанрын киног та бүхэнд толилуулъя.

Америкийн кино интитутээс кино урлагт оруулсан хувь нэмрийг нь үнэлсэн AFI Life Achievement Award шагналыг хүртэж, мөн Оскар, Эмми, Алтан Бөмбөрцөг зэрэг кино ертөнцийн нэр хүндтэй шагналуудыг хүртсэн Америкийн кино найруулагч Martin Scorsese-ийн бүтээл энэ кино Мөн Саяхан болсон Оскараас 4 шагнал авсан билээ.
Дэлхийн кино шүүмжлэгчдийн зүгээс нижигнэсэн алга ташилтыг хүлээн авсан энэ кино та бүхэнд ч бас таалагдана гэж итгэж байна.

Кинонд: 1931 онд Парисын галт тэрэгний станцад өрнөж байгаа адал явдлыг харуулах энэ киноны гол дүр Hugo Cabret бол ээж нь нас барж, цаг бүтээгч аавынхаа хамт амьдардаг залуу хүү. Аав нь хүүгээ кино үзүүлэхээр авч явдаг бөгөөд тэрээр Georges Méliès-ийн кинонуудад хамгаас дуртай. Хүүгийн аав музейд гарсан галын улмаас амиа алдаж, хүү нагац ахынхаа асрамжинд очсоноор киноны гол үйл явдал өрнөнө.