Хоёр цаг автомашины дугуйн дор халуун янданд түлэгдэж хэвтжээ

Чингэлтэй дүүр­гийн нутаг дэвсгэрт энэ сарын 23-24 шилжих шөнө осол болж, ослын улмаас 31 настай Г.Лхаг­вадорж гэгч залуу хүнд гэмтэн эм­нэлэгт хүр­гэгдсэн бай­гаа юм байна. “Өглөөний сонин”-д бичсэн мэдээллээр Г.Лхагвадоржийг гар­цаар гарч байхад нь хурдтайгаар ирж дайрсан машин түүний баруун мөрөн дээгүүр гарсан байна. Жолоочийг Отгонбаатар гэх бөгөөд “Ниссан санни” мар­кийн 34-64 УБМ улсын дугаартай машин жолоодож яв­жээ. Одоо­гоор осолд орсон залуу­гийн биеийн байдал маш хүнд, ГССҮТ-д эмчлүүлж байна. Хамгийн аймшигтай нь дайрсан машины жолооч От­гон­баатар нь цагдаа нар иртэл хөдөлгөж болохгүй гээд Г.Лхагвадорж дээр машинаараа гарчихаад халуун ян­дан­гаар хоёр цагийн турш түл­сэн байна. Доошоо харж, ухаан алдаж унасан залуугийн нурууг халуун ян­дан түлж, цээжийг нь хүйтэн зам хайрсан бай­дал­тай маш удаан хэвтсэн аж. Хохирсон иргэдийн баруун гарын мөр үенээсээ мултарч, яснууд нь хугарсан , нуруу нь их хэмжээгээр түлэгдэж, мөн цээж нь хөлдөлтийн бай­дал­тай байгаа гэнэ.
Энэ осол оройн 23:00 цаг өнгөрч байхад гарсан боловч ар гэрийнхэнд нь шөнийн 02:00 цагт мэдэгдсэн байна. Энэ мэт замын осол аваараас үүдэлтэй дуудлага цагдаагийн газар ихээр ирэх болсон бөгөөд явган зорчигч жолооч нарт ч анхааруулж байна.