МЭДЭЭ \“Оргилуун дарс”-наас “Газ”-тай ундаа гарчээ\

Хэзээний л баяр ёслол найр наадмыг өргөн дэлгэр тэмдэглэж заншсан ард түмэн билээ бид. Тэгвэл баяр цэнгэл гэхээр л архи дарс нүдний өмнө харагдаж аливаа баярыг архигүйгээр тэмдэглэе гэж хичнээн эрмэлзсэнч сурсан занг сураар боож болохгүй байсаар байгаад нэг л мэдэхэд архинаас болж түм буман асуудал үүссэн байдаг. Хэдхэн хоногийн өмнө айлчлан ирсэн шинэ оны баяраар ёстой л нөгөө онгорхой цоорхой дэлгүүр хоршоо, зах гээд бүгд л арилжаа наймаагаар идэвхэтэй хөл тавих зайгүй хүнд дарагдсан байсан. Тэгвэл ард иргэд баяр ёслолоо уудам сайхан тэмдэглэдэгийг нь далимдуулан сайхан муухай мэдээ чих дэлсэх нь тэр. “Баянзүрх” худалдааны төвд хувь хүн зарж байсан “Оргилуун дарс”-ыг нэгэн албан байгууллага худалдан авсан ч дараа нь бөөн хэл ам болсон гэнэ. Учир нь хуучин оноо үдэж шинэхэн оноо угтдаж хийж бүтээх, өөдөө дээшээ болгоныг билэгдэн задалдаг оргилуун дарсны оронд газтай ундаа хийн их хэмжээгээр зарсан байна. Цөөхөн Монголчууд бид энэ мэтчилэн нэгнийгээ хуурсаар байх юм бол амьдрал цаашаа хэрхэн өрнөх бол...