Пүүжээгийн ээлжит амраг тодорлоо.

Алтны магнат Ц.Мянганбаярын экс эхнэр гэх тодотголтой топ модель Д.Пүрэвсүрэн байнга л олны нүдэнд өртөж амьдардаг нэгэн.

Дөнгөж дунд сургуульд байхдаа л хэвлэлийн од болсон тэрбээр охиныхоо ааваас салсаны дараа нэлээд хэдэн эрчүүдтэй нэр холбогдоод авсан. Харин загварын ертөнцөд тэрбээр өөрийн гэсэн орон зайгаа нэгэнт эзэлсэн хатагтай.

Тиймээс түүний алхах, гишгэх бүр нь бусдын анхаарлыг эрхгүй татаж байдаг. Саяханаас өөр нэгэн залуутай хайрын романс эхлүүлээд байгаа Пүүжээ үдийн зоогныхоо хариуд “Булган шуба” бэлгэнд авчээ.

Түүний сэтгэлийг булаасан “нууц ноётон” нь бас ч уул уурхайн салбарт өөрийн байр суурийг эзэлсэн нэгэн гэнэ. Шинэхэн хосууд маань сүүлийн үед цаг үргэлж хамт байх болсон бөгөөд ойр ойрхон гадаадын орнуудаар аялаад их л романтик маягаар өдөр хоногийг өнгөрөөж байгаа гэнэ лээ.

Toп бүсгүйн хувьд энэ жил загварын ертөнцийнхөний хамгийн их хүсэн хүлээдэг “Гоёл” наадмын тайзнаа алхаагүй нь ч романтик аялалтай нь холбоотой аж. Мөн тэд хэдхэн хоногийн дараа айлчлан ирэх 2012 оныг Шведэд угтахаар төлөвлөөд байгаа гэнэ.