Сонин хачин - Тайландад Facebook-н LIKE дарвал 15 жилийн ял авна.

Хэдэн зууны өмнө хааныхаа тухай буруу ташаа зүйл яриснаасаа болж толгойгүй болсон хүмүүс цөөнгүй байдаг. Тэгвэл Тайланд улсад Facebook-н LIKE-г дарснаасаа болж 15 жилийн ял авсан хүмүүсийн тоо нэмэгдсээр байна. 21-р зуун бол ардчилсан, чөлөөт нийгэм гэгддэг ч Тайланд улсад бол та багахан үйлдлийнхээ төлөө торны цаана суухад хялбар юм байна. Энэ талаар хамтдаа сонирхоё.

Хаан засаглалтай энэ улсын хувьд интернэтийн ертөнцөөр хатан хааныхаа зургийг share.лж, элдэв сэтгэгдэл үлдээн сэтгэгдэл, тэр үед төрсөн сэтгэгдэлээ илэрхийлэх боломжгүй байдаг байна. Хааны гэр бүлийнхний тухай янз бүрийн мэдээлэл нийтлэх 10 000 гаруй цахим хуудсууд байдаг гэнэ. Харин та тэдгээр мэдээ, мэдээллийг зөвхөн уншиж харахаас өөр үйлдэл хийх нь эрсдэлтэй.

Тайландын засгийн газраас мэдээлж байгаагаар бол Хаант засагтай энэ орны хувьд цахим ертөнцөөр хүмүүс дуртайгаа бичиж, элдэв зургуудыг нь засаж янзлан нэр хүндийг нь гутаах үйлдэл хийхээс сэргийлсэн байна. Дэлхийн аль ч улсад үзэл бодлоо чөлөөтэй илэрхийлэх эрх гэж нэг юм байдаг. Тэгвэл магадгүй Тайланд улсын энэ байдал уншигч таныг гайхшруулж байгаа байх. Интернэтээр аялаж байх үед Путин, Буш, Обама ерөнхийлөгчүүдийг болон бас бус олон төрийн зүтгэлтнүүдийг хүссэнээрээ шоглосон байхтай бид тааралддаг. Тэр ч байтугай манай орны ерөнхийлөгчийн элдэв янзалсан зургууд тааралдах тохиолдол байдаг. Тэгвэл энэ байдал Тайланд улсад үүсэхээс сэргийлэн ийнхүү хатуу хуулиар шийтгэж байгаа юм байна.

Ер нь бол иймэрхүү байдал үүсэх эсэх нь тухай улс үндэстэнээс л шууд хамаарна. Эрх чөлөө гэх нэрийн дор олон бусармаг үйлдэл гаргах орнууд олон байдаг. Тэгвэл яг энэ төрлийн хэргээр 2007 онд Швейцарын нэг иргэн, 2009 онд Австралын нэг иргэн шийтгэгдэж байжээ. Швейцарын иргэн Хааныхаа зургийг шүршдэг будгаар зурсныхаа төлөө 10 жилийн ял авч байсан ч хэдэн сарын дараа Хаан нь өршөөсөн байдаг. Тэгвэл Австралын иргэнд ч түүний адил аз таарчээ. Тэрээр өөрийн зохиолдоо хааны гэр бүлийг доромжилсон утга агуулга бүхий зүйл нийтэлснээрээ 3 жилийн ял авч байсан ч мөн л хэдхэн сарын дараа суллагдсан байна.