/ Тоосго, чийдэн иддэг охин./

Америкийн Индиана муж улсын гурван настай Натали Хёрст идэж болохгүй зүйл байнга иддэг ховор өвчний улмаас байнгын аюултай байдалд байна гэж “Дэйли Мэйл” сонинд мэдээлжээ. Охин эцэг, эхээсээ чихэр, жигнэмгийн оронд чийдэн, чулуу, мод байнга нэхдэг байна. Нэгэн удаа Натали охин ширээний гэрлийн чийдэнг тайлж аваад идсэний дараа амийг нь арай гэж аварчээ. Энэ тохиолдлын дараа ч охин эцэг, эхийнхээ үгийг авахгүй байгаа гэнэ.

Охины ээж 31 настай Коллины хэлснээр, Натали ямар нэг юманд донтсон хүн шиг өөрийн үйлдлээ хянаж чадахгүй байгаа аж. Нэг удаа охин нь харгалзах хүнгүй байхдаа хортой зүйл идсэн байна. Түүнээс хойш Колин охиноо байнга харах шаардлагатай болжээ. Хүн физиологийн бус, сэтгэл мэдрэлийн хямралаас болж гаж зүйл иддэг ховор өвчтэй болсныг эмч нар тогтоожээ. Хүүхэд ч нялхдаа сэтгэлийн их хямралд ордог ажээ. Ийм өвчний үед хийдэг эмчилгээ байхгүй, харин ганц найдвар нь туршлагатай сэтгэл судлаач гэнэ.