YouTube-ийн од болсон цагдаа халагдав \бичлэг\

Холливудын хит болсон киноны аялгуунд ажлын байран дээрээ бүжиг хийж буйгаа YouTube сүлжээнд тавьж алдаршсан Индонезийн нэгэн цагдаа ажлаас халагдахад хүрчээ. 26 настай Норман Камару цагдаагийн хэсэг дээрээ нэгэн өвөрмөц дүрс бичлэг хийлгэн интернэтийн сүлжээнд түүнийгээ байршуулснаар энэтхэг киноны шүтэн бишрэгчдийн хайр хүндэтгэлийг хүлээсэн билээ. Уг бичлэг дээр хууль сахиулагч эр сандал дээр суунгаа гар болон толгойгоороо энэтхэг бүжиг бүжиглэн нэрд гараад буй Chaiyya Chaiyya дууг ам барин дуулах аж. Энэ бичлэг Камаруг өнгөрөгч дөрөвдүгээр сард интернэтийн од болгосон юм. Тэгэхэд Индонезийн цагдаагийн газрын удирдлага энэ үйлдлийг нь нэг их тоогоогүй. Удирдлага нь түүнийг ард иргэдийн цагдаад итгэх итгэлийг нөхөн сэргээж, нэр хүндийг нь өсгөж байна гэж үзэв.

Гэтэл гэнэт нэрд гарсан Камару ажилдаа ирэлгүй 85 хоносны эцэст удирдлага нь арга буюу түүнийг халахаар шийджээ. Энэ хугацаанд сүйхээтэй эр дуучин болохоор шийдэн дуу бичлэгийн студиудээр гүйж явсан аж. Ийм шийдвэр гаргах болсондоо удирдлага нь харамсч буйгаа илэрхийлэв. Учир нь, урлагийн авъяастай Камару нь ард иргэдтэй харьцах нэгэн гүүр болох учиртай байжээ. Цагдаа эр 100 мянган долларын хөлстэйгээр тоглолт хийх гэрээ байгуулсан бөгөөд аль долоодугаар сард ажлаасаа гарахыг оролдсон ч удирдлага нь түүнийг явуулаагүй билээ. Тэрбээр цагдаагийн албанд 10 жил ажиллах гэрээтэй байсан юм.